માતૃભાષાનો મહિમા – પરંપરા અને સંસ્કૃતિનું જતન

વિશ્વભાષા પર પ્રભુત્વ – વિકાસ તરફ ઉચિત રીતે પ્રયાણ


સુરતની શાળાઓના પાયલોટ પ્રોજેક્ટની સફળતાને પગલે

હવે સમગ્ર ગુજરાતમાં નવા દ્વિભાષી માધ્યમને મંજૂરી મળી

ગુજરાત રાજ્યના શિક્ષણમંત્રી શ્રી. ભુપેંદ્રસિંહજી ચુડાસમાએ આજે ગુજરાતની શાળાઓ માટે ત્રીજા વૈકલ્પિક માધ્યમ તરીકે મંજૂરી આપ્યાની જાહેરાત કરી હતી અને એની માહિતી આપતી વેબસાઈટ www.bilingualmedium.in નું પોતાના વરદ હસ્તે ઉદઘાટન કર્યું હતું.

આ તબક્કે માહિતી આપતાં એમણે જણાવ્યું હતું કે 2020માં આવેલી નવી શિક્ષણ નીતિમાં પણ દ્વિભાષી(માતૃભાષા અને અંગ્રેજી) સજ્જતાની હિમાયત કરવામાં આવી હોવાથી સુરતની શાળામાં આ પ્રકારાના સફળ પ્રયોગની ચકાસણી કરી સરકારે બનાવેલી કમિટી એ એને રાજ્યવ્યાપી બનાવવાની ભલામણ કરી હોવાથી ગુજરાતે સરકારે એક ક્રાંતિકારી નિર્ણય લઈ તા. 29 જુલાઈના રોજ એક પરિપત્ર બહાર પાડી આ વરસથી ગુજરાતમાં સ્વૈચ્છિક રીતે જે ખાનગી શાળાઓ ઈચ્છે તે મંજૂરી લઈ આ દ્વિભાષી માધ્યમ શરૂ કરી શકે, એ મુજબનો નિર્ણય કર્યો છે.


શ્રી નરેન્દ્ર મોદી
શ્રી વિજય રૂપાણી
શ્રી ભુપેન્દ્રસિંહ ચુડાસમા
શ્રી જીતુભાઇ વાઘાણી
શ્રીમતી વિભાવરી દવે

માનનીય વડાપ્રધાન નરેન્દ્ર મોદીજીના સક્રિય માર્ગદર્શન સાથે અમલમાં આવેલી નવી શિક્ષણ નીતિ દ્વિભાષી શિક્ષણની ભલામણ કરે છે. ભારતને માતૃભાષા તેમજ વિશ્વભાષા બન્નેમાં પ્રવીણ હોય એવા સ્નાતકોની જરૂર છે ત્યારે ગુજરાત પણ એ જ દિશામાં અગ્રેસર છે. માનનીય વિજયભાઈ રૂપાણી શિક્ષણ ક્ષેત્રે અનેક હકારાત્મક પગલાં લઈ રહ્યા છે ત્યારે માનનીય શિક્ષણમંત્રી શ્રી. ભૂપેન્દ્રસિંહજી ચુડાસમાએ અંગત રસ લઈ આ દ્વિભાષી માધ્યમના પ્રોજેકટને મંજૂરી આપી છે. જેથી હવે ગુજરાતમાં ગુજરાતી માધ્યમ તેમજ અંગ્રેજી માધ્યમ ઉપરાંત ત્રીજા વૈકલ્પિક માધ્યમ તરીકે દ્વિભાષી માધ્યમ ઉપલબ્ધ રહેશે. ગુજરાતના બાળકોના ભવિષ્ય માટે આ પગલું આવકારદાયક બની રહેશે એવી શ્રદ્ધા છે.

ડૉ. મીતાબેન વકીલ, આચાર્યા, ભૂલકાં વિહાર શાળા
ડૉ. રઈશ મનીઆર, બાળમનોતજજ્ઞ અને સાહિત્યકાર

માતૃભાષા ગુજરાતીને ચાહનારા પ્રગતિશીલ વાલીઓ અને શિક્ષકોને દ્વિભાષી મિડિયમ વિશે સંપૂર્ણ માહિતી આપતા આ અમારા ડિજિટલ આંગણા પર અમે આવકારીએ છીએ. 

સુજ્ઞ મિત્રો, અમે ગુજરાતી માધ્યમના ઘટતા જતા પ્રભાવને જોઈ, માતૃભાષા બચાવવા તેમ જ સાથે સાથે ગુજરાતના વિદ્યાર્થીઓને રાષ્ટ્રીય અને આંતરરાષ્ટ્રીય સ્તરે વિકાસોન્મુખ રાખવાના દ્વિપાંખિયા હેતુથી સુરતની ભુલકાભવન અને ભુલકાવિહાર શાળામાં ગ્લોબલ મિડિયમ નામથી દ્વિભાષી માધ્યમનો પ્રયોગ શરૂ કરેલો. ધીરે ધીરે સુરતની 29 શાળાઓ એમાં જોડાઈ.

દ્વિભાષી માધ્યમ

નવી શિક્ષણનીતિનું સમર્થન

વિકાસ તરફ ઉચિત રીતે પ્રયાણ

પરિચયાત્મક માર્ગદર્શિકા


1.    પૂર્વભૂમિકા

1.1 નવી શિક્ષણનીતિનું સમર્થન  

નવી રાષ્ટ્રીય શિક્ષણ નીતિ 2020માં જાહેર થઈ છે જેનાથી આપણે સહુ માહિતગાર છીએ. એમાંથી મુદ્દા નંબર 4.12 અને 4.14 દ્વિભાષી શિક્ષણની ભલામણ કરે છે. તે નીચે મુજબ છે. 

4.12 સંશોધનો સ્પષ્ટપણે દર્શાવે છે કે બાળકો 2 થી આઠ વરસની ઉંમર વચ્ચે અત્યંત ઝડપથી ભાષાઓ શીખી લે છે અને બહુભાષિતાથી આ ઉંમરના વિદ્યાર્થીઓને ઘણા જ્ઞાનાત્મક લાભ થાય છે તેથી આ વયજૂથના બાળકોને પાયાના તબક્કાથી જ શરૂ કરીને વિવિધ ભાષાઓથી પરિચિત કરાવવામાં આવશે. (અલબત્ત માતૃભાને પ્રાથમિકતા આપીને જ) દરેક ભાષાને એક મનોરંજક અને સક્રિયાત્મક (ઈંટર-એકટીવ) શૈલીમાં ભણાવવામાં આવશે. મુખ્ય આધાર સક્રિય વાતચીત કે સંવાદ પર રહેશે. પહેલા બે ધોરણ દરમ્યાન માતૃભાષાનું વાંચન પહેલા શીખવવામાં આવશે ત્યારબાદ માતૃભાષાનું લેખન શીખવવામાં આવશે. ત્રીજા ધોરણથી આગળ બીજી ભાષામાં વાંચનકૌશલ્ય અને લેખનકૌશલ્ય વિકસે એ રીતે શિક્ષણ આપવામાં આવશે.

4.14 વિજ્ઞાન અને ગણિતના વિષયમાં ઉચ્ચકક્ષાની ગુણવત્તાવાળાં દ્વિભાષી પાઠ્યપુસ્તકો અને શિક્ષણ-સહાયક અધ્યયન અધ્યાપન સામગ્રી તૈયાર કરવા માટે તમામ પ્રયાસો કરવામાં આવશે. આમ કરવાથી વિદ્યાર્થીઓ આ બન્ને વિષયો વિશે માતૃભાષા તેમજ અંગ્રેજી બન્ને ભાષામાં વિચારી શકવા અને બોલવા માટેનું સામર્થ્ય પ્રાપ્ત કરશે.

નવી રાષ્ટ્રીય શિક્ષણનીતિ 2020થી પ્રેરાઈને “મિશન સ્કૂલ ઓફ એક્સેલંસ” પ્રોજેક્ટમાં આ સિદ્ધાંતને અનુસરતી પદ્ધતિ દાખલ કરવાનું નક્કી કરવામાં આવ્યું છે.

1.2 સફળ પ્રયોગ અને તજજ્ઞ સમિતિની ભલામણ  

દ્વિભાષી માધ્યમ ગુજરાત માટે સાવ નવી વાત નથી. વર્ષ 2016થી સુરત શહેરની 29 શાળાઓએ સરકારની મંજૂરીથી ‘ગ્લોબલ ગુજરાતી માધ્યમ’ને નામે ‘દ્વિભાષી માધ્યમ’નો પ્રયોગ કરે છે. જિલ્લા શિક્ષણાધિકારીએ કરાવેલ થર્ડ પાર્ટી ઈવેલ્યુએશન મુજબ આ પદ્ધતિ સફળ અને સાર્થક રહી છે. આ સફળતાથી પ્રેરાઈને, આ પદ્ધતિને રાજ્યવ્યાપી બનાવી શકાય કે કેમ એની વિચારણા માટે સરકાર વર્ષ 2019માં બનાવેલી શિક્ષણવિદ અને તજજ્ઞોની કમિટીએ સુપ્રત કરેલા અહેવાલ મુજબ આ પદ્ધતિ ગુજરાતના વિદ્યાર્થીઓ માટે સફળ અને સમયની માંગ અનુસાર સાનુકૂળ જણાય છે. માનનીય શિક્ષણમંત્રી સમક્ષ થયેલી એકાધિક રજૂઆતો બાદ સરકાર પ્રારંભિક ધોરણે એના ‘મિશન સ્કૂલ ઑફ એક્સેલંસ’ પ્રોજેક્ટમાં આ પદ્ધતિની શરૂઆત કરવા તત્પર છે તેમજ ખાનગી શાળાઓ, સ્વૈચ્છિક ધોરણે, સરકારની મંજૂરી મેળવીને, અંગ્રેજી માધ્યમ અને ગુજરાતી માધ્યમના ત્રીજા વિકલ્પ તરીકે આ દ્વિભાષી માધ્યમનો ઉપયોગ કરી શકે છે.

Read More….

પરિચયાત્મક માર્ગદર્શિકા દ્વિભાષી માધ્યમDownload

Guidelines for Implementation of Bilingual Learning in Gujarat SchoolsDownload

પ્રતિભાવો


મારું બાળક પહેલાં ગુજરાતી મીડીયમમાં અભ્યાસ કરતું હતું. હાલની પરિસ્થિતિને ધ્યાનમાં લઇ અમારી શાળાના ટ્રસ્ટીશ્રીઓ અને આચાર્યાશ્રીના નિર્ણયથી અમારી શાળામાં Global Gujarati Medium શરૂ કરવામાં આવ્યું.   જયારે મારું બાળક 2nd std માંથી 3rd stdમાં પ્રવેશવાનું હતું, ત્યારે મારી પાસે બે ઓપ્શન હતા. (૧) ગુજરાત બૉર્ડ (૨) Bilingual Medium ઘણું વિચાર્યા પછી અમે અમારા બાળકને Bilingual Mediumમાં મૂકવાનો નિર્ણય કર્યો. Bilingual Mediumમાં સ્ટેપ by સ્ટેપ englishમાં subject આવે છે. જેમ કે 3rdમાં maths અને 5thમાં Science આના કારણે બાળકોને કોઈપણ પ્રકારના ભણતરનું ભારણ લાગતું નથી.અને ટ્યુશન વગર બાળકને ઘરે જ ભણાવી શકાય છે. Bilingual Mediumમાં મૂકવાથી English Language પર ખૂબ જ સારી પકડ આવી ગઈ છે. મારું બાળક સરળતાથી Englishમાં રીડિંગ અને રાઈટિંગ કરી શકે છે. મારા બાળકના friend English Medium માં છે તો બંને વચ્ચે કોઈ જ diferent મને જણાતો નથી. બીજું કે, Bilingual Mediumમાં મૂકવાથી મારા બાળકને ગુજરાતી languae અને એ English lenguage બંને ખૂબ જ સારી રીતે આવડે છે.અને English એ International lunguge છે, જે ભવિષ્યમાં કોઈપણ પ્રકારની Exam English lunguageમાં આવશે. તો મારું બાળક સરળતાથી સમજીને exam આપી શકશે. મારે મારા બાળકને spoken-Englishના ક્લાસમાં મૂકવાની જરૂર પડશે નહિ.

Ravi Sharma (વાલી–રીધમ)

ભૂલકાં ભવન

વર્ષ ૨૦૧૭ થી સૌ પ્રથમ ગ્લોબલ ગુજરાતી માધ્યમની શરૂઆત થઇ. ગુજરાત બૉર્ડની વાત કરીએ તો તેમાં ધોરણ ૧ થી ૧૨ ના બધા જ વિષયો ગુજરાતી ભાષામાં શીખવવામાં આવે છે. પરંતુ ગ્લોબલ ગુજરાતી માધ્યમની શરૂઆત ૨૦૧૭માં થઇ, જેમાં ધોરણ-૫ માં ગણિત અંગ્રેજીમાં ભણાવવામાં આવ્યું, ત્યારબાદ સતત બીજા વર્ષે ગણિત-વિજ્ઞાન બન્નેના પાઠ્યપુસ્તક બન્ને ભાષામાં તૈયાર થયા. જેથી બાળકો ગુજરાતી ભાષાની સાથે સાથે અંગ્રેજી ભાષા પણ સમજતા થયા. ગ્લોબલ ગુજરાતી માધ્યમ એનું બીજું નામ ગુજલીશ એટલે કે ગુજરાતી અને ઇંગ્લિશ બંને ભાષાના જ્ઞાનથી બાળક કેળવાય છે. આ ગ્લોબલ ગુજરાતી માધ્યમના ઘણા ફાયદા નજર સમક્ષ આવે છે. આના દ્વારા માતૃભાષાનું જ્ઞાન તો મળે જ છે, સાથે સાથે ઉચ્ચ અભ્યાસ જેમ કે સ્નાતક-અનુસ્નાતકના અભ્યાસ માટે પણ તૈયારી થઇ જાય છે, કારણકે સ્નાતકમાં બધા જ મુખ્ય વિષયો અંગ્રેજીમાં આવે છે. આપણે બધા જ અંગ્રેજી શબ્દોથી પરિચિત થઇ જઈએ છીએ અને સાથે સાથે અંગ્રેજી ભાષા પર પકડ પણ જબરદસ્ત આવી જાય છે. જયારે ગુજરાતી ભાષામાં અભ્યાસ કરતા બાળકોને અનુસ્નાતકમાં અંગ્રેજી ભાષા સાથે અનુકૂલન સાધતા છ-સાત મહિના લાગી જાય છે. હાલમાં ધોરણ-૯ માં હું ખૂબ જ સારી રીતે અંગ્રેજીમાં ગણિત/વિજ્ઞાનના અભ્યાસને સમજી શકું છું. અને પરીક્ષાના પેપરમાં ઉત્તરવહી પર પણ અંગ્રેજીમાં સારી રીતે લખી શકું છું. તેથી મારી દૃષ્ટિએ બાળકોએ ગ્લોબલ માધ્યમમાં જ અભ્યાસ કરવો જોઈએ.

કૃતિક એમ. પટેલ, વિદ્યાર્થી (ધોરણ -9B)

ભૂલકાં ભવન

Global medium has been conducted by our school for last 5 years. The classes have been conducted very successfully. The teachers are very efficient and hard working. They use different methods and various educational tools to teach the students so that the students understand very well. Parents also support the global medium as they know that their children have to meet bright future in this competitive world.

Global medium enables the students with the aptitudes compared to gujarati medium students which will help them to build up their career not only in the current time but also in future education system.

Global medium is seen as a way of extending students’ perception and connection with the global world.

In the 21st century, global medium will help the students shape them as global citizens.

Chhyal Mehta (Teacher)

Bhulka Bhavan School

The students in global medium study the maths and science subjects in English language and the rest other subjects in Gujarati language at our school. I, as a teacher, personally feel that this is an effecting way of learning by the students in global medium. The students have an advantage of learning and understanding a particular concept in both the languages. Write this method of teaching, the students can now cope up with any medium of learning in their higher studies. The global medium has enhanced the communication skills of the students. The students now, are more excited about learning new concept and are willing to extend their horizons of learning. The students are now willing to participate in activities which involves the knowledge of concepts in science which are learned by them as well as the students of English medium.
The faculty as well as the parents of the students are supportive and always eager to help each other out. The students have now got used to this method of learning in the global medium and that is reflected upon their thorough understanding of the subject and ability to write the answers and expressing themselves. The students who have been learning in the global medium are now more confident about the maths and science subjects.
As a teachers, I have witnessed development of the students who have studied in global medium for 2-3 years. We have complete confidence in our students that they will prosper in future with their thorough understanding and learning in the global medium.

Rinita

Bhulka Bhavan School

16 વર્ષની મારી શિક્ષક તરીકેની કારકિર્દીમાં છેલ્લા 4 વર્ષથી હું Bilingual medium માં અંગ્રેજી વિષય ભણાવી રહી છું. અંગ્રેજી વિષયના શિક્ષક તરીકે મેં એ અનુભવ્યું છે કે, Bilingual medium માં ભણતા વિદ્યાર્થીઓ પાસે અંગ્રેજી શબ્દોની Vocabulary વધુ સમૃદ્ધ હોય છે. તેમજ તેઓ અંગ્રેજી વાક્યોને સરળતાથી સમજી તેના હાર્દને પામી શકે છે. આ વિદ્યાર્થીઓમાં confidence level પણ પ્રમાણમાં વધુ જોવા મળે છે. તેમનામાં અંગ્રેજી વિષય માટે વધુ હકારાત્મક્તા જોવા મળી. તેઓ અંગ્રેજી શબ્દો તેમજ વાક્યોનો ઉપયોગ પોતાના જીવન તેમજ વ્યવહારમાં સહજતાથી કરી શકે છે. Global medium ને વધુ મજબૂત બનાવવા માટે અમારી શાળામાં English વિષયનો અભ્યાસક્રમ પણ ‘Upgrade’ કરવામાં આવ્યો છે. જેના પરિણામરૂપે વિદ્યાર્થીઓ ગણિત અને વિજ્ઞાન જેવા જટિલ વિષયોને સમજી ન્યાય આપી શકે છે. મારા મત મુજબ માતૃભાષાના સંવધર્ન સાથે, ભવિષ્યના પડકારોને ઝીલવા માટે Bilingual medium ખૂબ જ ઉત્તમ વિકલ્પ છે.

   

ઉપાસના કે પટેલ

શિક્ષિકા, ભૂલકાં વિહાર શાળા

હું છ વર્ષથી Bilingual Mediumમાં પર્યાવરણ વિષય ભણાવું છું. ગુજરાતીની સાથે-સાથે અંગ્રેજી શબ્દોનો પરિચય થતો જાય તેવા આશયથી શાળાએ શરૂઆત કરી હતી. શરૂઆતમાં  મને સવાલ થતા હતા કે મારા બાળકો ગુજરાતી સાથે અંગ્રેજી કરી શકશે? પણ જેમ-જેમ હું ભણાવતી ગઈ તેમ-તેમ બાળકો દ્વારા પારિભાષિક (ટર્મિનોલોજી) શબ્દો ખૂબ સારી રીતે શીખી. સારો પ્રતિસાદ આવ્યો. મારી સઘળી  મૂંઝવણો દૂર થઇ ગઈ. આમ પણ બાળકો કુમળાં છોડ જેવા હોય છે. તેમને નાનપણથી જે શીખવીએ તે શીખે. હું પણ મારી Bilingual Mediumની તૈયારી ઉત્સાહપૂર્વક કરું છું. જયારે મારાં બાળકો પારિભાષિક શબ્દો વ્યવહારમાં ઉપયોગ કરી રમતા-રમતા શીખી લે છે, ત્યારે શિક્ષક તરીકે મને ઘણો આનંદ થાય છે.

      આમ,મારી દ્દ્ર્રષ્ટિએ Bilingual Medium બાળકોના ભવિષ્ય માટે લાભદાયી છે.

નીતાબેન ઠક્કર

શિક્ષિકા, ભૂલકાં વિહાર શાળા

‘ગ્લોબલ ગુજરાતી માધ્યમ’ વિશે  મારો અભિપ્રાય

  મારી શાળા ભૂલકાં ભવન  કંઈ અવનવું કરવા હંમેશા તત્પર રહે છે. હું ખૂબ સદ્ભાગી છું કે, હું  જ્યારે ત્રીજા ધોરણમાં આવ્યો ત્યારે મારી શાળા તરફથી શરૂ કરવામાં આવેલ નવી શિક્ષણ પદ્ધતિ.

     ‘ગ્લોબલ ગુજરાતી માધ્યમ’ની  પસંદગી કરવાની મને ઉત્તમ તક મળી. પહેલાં તો મને ગુજરાતી માધ્યમમાં જ ભણવાની ઈચ્છા થઈ. પરંતુ જ્યારે ગ્લોબલ ગુજરાતી માધ્યમ વિશેના ફાયદા જોયા તો મને થયું કે ગ્લોબલ ગુજરાતી માધ્યમમાં એક પગલું વધારે ફાયદો  થશે અને તે હતો અંગ્રેજી ભાષામાં ગણિત અને વિજ્ઞાન ભણવાનો.

  પહેલીવાર ગણિત અંગ્રેજી ભાષામાં ભણવામાં આવ્યું છતાં શાળાનાં શિક્ષકોનો  સહયોગ મળતા અને ભણાવવાની પદ્ધતિ ખૂબ સરસ હોવાથી અંગ્રેજીમાં ગણિત વિષય ખૂબ સહેલાઈથી ભણી શકાયો તેવી જ રીતે તેવી જ રીતે પાંચમાં ધોરણમાં પહેલી વખત ‘Science’ અંગ્રેજીમાં આવ્યું છતાં તેને પણ સહેલાઈથી સમજી શકાયું. શાળામાં આ બંને વિષયો અંગ્રેજીમાં ભણાવવા છતાં આજે હું ખૂબ જ સહેલાઈથી  તેને સમજી શકું છું. તેની મદદથી મારા અંગ્રેજીના શબ્દભંડોળમાં ઘણો વધારો થયો છે. જ્યારે હું બૉર્ડમાં આવીશ, ત્યારે બૉર્ડ દ્વારા લેવાતી પરીક્ષામાં પણ મને ભરપૂર ફાયદો થશે. આમ, ગ્લોબલ ગુજરાતી માધ્યમમાં રમતા રમતા આ બંને વિષયો ખૂબ સરસ રીતે અને સહેલાઈથી તૈયાર કરી શકું છું.

  ખરેખર, ‘ગ્લોબલ ગુજરાતી માધ્યમ’ની આ જે નવી શિક્ષણ પદ્ધતિ મારી શાળામાં લાવવામાં આવી તે ખૂબ સરાહનીય  છે. આ માટે હું મારા આચાર્યશ્રી અને શિક્ષકબંધુઓનો ખૂબ ખૂબ આભારી છું.

ખ્યાત પટેલ

વિદ્યાર્થી, 6-B, ભૂલકાં ભવન

આચાર્યાશ્રી,

નમસ્કાર!

     નવી  શિક્ષણનીતિ  આધારિત ગુજરાત રાજ્યમાં માતૃભાષામાં પ્રાથમિક શિક્ષણ અમલમાં મૂકનાર છે. તે અન્વયે ઉચ્ચ અભ્યાસ માટે ગણિત અને વિજ્ઞાનના અભ્યાસક્રમોનું માધ્યમ અંગ્રેજી હોય તે આવકાર્ય બાબત છે. એક વાલી તરીકે અમે અમારા બાળક અને બાળકના  મિત્રવર્તુળમાં નીચેના ફેરફારો અનુભવ્યા છે.       

  • બાળકો માતૃભાષા ગુજરાતી અને અંગ્રેજી બંને ભાષા પર પ્રભુત્વ મેળવી પોતાના વિચારો સ્પષ્ટ રીતે મૌલિકતાથી રજૂ કરી શકે છે અને સમજી પણ શકે છે.   
  • ઉચ્ચ અભ્યાસ માટે લેવાતી પ્રવેશ પરીક્ષાઓ અને અભ્યાસનું માધ્યમ અંગ્રેજી હોય છે. જેથી બે ભાષામાં જ્ઞાન મેળવવા કરતાં એક જ અંગ્રેજી ભાષામાં શિક્ષણ  મેળવે તો બાળકો તણાવરહિત અને આનંદમય રીતે અભ્યાસ કરી શકે છે.
  • બાળકોને અભ્યાસ દરમ્યાન ગણિત –વિજ્ઞાન વિષયમાં અભિરુચિ જળવાયેલી જ રહે છે. બાળકો ખૂબ સરસ રીતે આ વિષયો સમજીને પ્રવૃત્તિ કાર્ય કરી શકે છે. શક્ય હોય તો ગુજરાતમાં આ પદ્ધતિ અમલમાં મુકાય તો ખરેખર ગુજરાતનું ભવિષ્ય ઉજ્જવળ બને. આ માટે આપશ્રીના સહકારની અપેક્ષા રાખીએ છીએ.

Jasmika N Patel

અમારી શાળામાં ચાલતા Bilingual Medium માં હું છેલ્લા ૪ વર્ષથી ધોરણ-૧માં પર્યાવરણ વિષય ભણાવું છું. હું પર્યાવરણમાં આવતા અગત્યના શબ્દો (Terminology) ને Englishમાં સમજાવીને, લખાવીને મોઢે કરાવું છું. બાળકોને બન્ને ભાષામાં ખૂબ જ રસ પડે છે અને સરળતાથી English Words ને ગ્રહણ પણ કરી લે છે, બાળકો પ્રશ્નોના જવાબ લખવામાં અને બોલવામાં તેનો ઉપયોગ કરે છે. શરૂઆતમાં બાળકોને Spelling લખવામાં ભૂલ પડે છે, પર્વતને English માં mountain કહેવાય એ બાળકોને ખૂબ જ clear હોય છે અને ૬ મહિનામાં તો spelling પણ મોઢે લખતા થઇ જાય છે.

એક શિક્ષક તરીકે હું પોતે પણ Terminology  નો વધારે ઉપયોગ કરતી થઇ ગઈ છું. English અને ગુજરાતી બંને ભાષા પર પ્રભુત્વ મેળવી શકી છું. 

છાયાબેન. કે. દેસાઈ

શિક્ષિકા, ભૂલકાં વિહાર શાળા